Bul

Maymaqlıqtıń awır túri - ayaqtıń tuwma deformaciyası bolıp, onıń ishke yamasa tómenge-joqarıǵa keskin burılıwı, ayaqqa tayanıshı buzılıp, háreketleniwi keskin sheklenedi.

Bunday formada tek bulshıq etler hám baylamlar ǵana emes, al ayaq súyekleriniń ózi hám taban-ayaq buwını da zıyanlanadı hám qatań emlewsiz balanıń júriwi oǵada qıyın boladı.

Tiykarǵı belgileri

- ayaq pánjesiniń anıq naduris halatı (ishke hám tómenge, yaki joqarıǵa hám sirtqa buriliwi);

- ayaqtı qol menen normal jaģdayģa keltirip bolmaydı - pánje qattı boladı;

- bala júrgende pánjeniń sırtqı bólimi yamasa barmaqları menen tayanadı;

- júriwdiń buzılıwı;

- baltır bulshiq etleriniń juqalasıwı, ayaqtıń qısqarıw itimalı;

- tez sharshaw, ayaq hám baltırda awırıwlar;

- ayaq kiyimniń tegis emes jeliniwi.

Múmkin bolǵan sebepler

- tuwma rawajlanıw ózgeshelikleri, genetikalıq beyimlilik;

- hámiledarlıq dáwirinde bulshıq yet, sińir hám súyeklerdiń durıs yemes qáliplesiwi;

- nevrologiyalıq hám genetikalıq kesellikler (mısalı, BMF, artrogripoz hám basqalar).

Ayırım jaǵdaylarda awır deformaciyalar jaraqatlar, kúyikler yaki láńlerden keyin kelip shıǵadı.

Diagnoz kóbinese neshe jasta qoyıladı

Maymaqlıqtıń awır túri -  bala tuwılǵanda neonatolog onıń ayaǵınıń "burılǵan"  ekenligin birden anıqlaydı.

Awırlıq dárejesi hám emlew taktikası ádette ómiriniń birinshi aylarında anıqlanadı, biraq eger bala qánigege kórsetilmegen bolsa, mashqala onıń júre baslaǵan basqıshında payda boladı.

Balanı qollap-quwatlaw

Emlew qanshelli erte baslansa, nátiyje sonsha jaqsı boladı.

Qollanıladı:

- basqıshpa-basqısh gipslew;

- ortozlar hám arnawlı ayaq kiyim;

- awır jaǵdaylarda - xirurgiyalıq emlew;

- emlewshi fizikalıq shınıǵıwlar, massaj, fizioterapiya.

Ata-analar ushın áhmietli:

- ortozlardı belgilengen tártipte taǵıw;

- shıpaker usınıslarına ámel etiw;

- balanı ruwxıy qollap-quwatlaw.

Este saqlaw kerek

- awır maymaqlıq - tuwma rawajlanıw ózgesheligi;

- emlenbese, aqıbetinde aqsaw, awırıw, erte artroz hám qáddi qawmet buzılıwları rawajlanıwı múmkin;

- óz waqtında hám durıs emlew arqalı kópshilik balalar belsendi turmıs keshiriwi hám teńleslerinen parıqlanbawı múmkin.

Maman másláhát jasaw ornındaǵı emlew-profilaktika mákemelerinde ortoped-travmatologlar tárepinen kórsetiledi.

Reabilitaciya:

- 2 jastan - mektepke shekemgi bilimlendiriw shólkemleriniń inklyuziv toparlarında;

- 3 jastan - jastan hám ulıwma bilim beriw mákemeleriniń inklyuziv klasslarında, qánigelestirilgen ulıwma bilim beriw mákemelerinde;

- 7 jastan - ulıwma bilim beriw hám qánigelestirilgen mekteplerde ámelge asırıladı.

Joqarıdaǵı mákemelerge jaylastırıw ushın psixologiyalıq-medicinalıq-pedagogikalıq komissiyadan ótiw zárúr. Bunıń ushın "Insan" sociallıq xızmet oraylarına múrájat etiledi.