Bul

Disxondroplaziya yamasa Olye keselligi kemnen-kem tuwma súyek keselligi bolip, onda shemirshek toqimasınıń bir bólimi normada bolganınday súyekke aylanbaydı.

Onıń ornına súyekler ishinde shemirshek oshaqları qaladı (olardı enxondromalar dep ataydı). Bala ósken sayın bunday bólimler súekti deformaciyalawı, onıń forması hám uzınlıǵın buzıwı múmkin.

Áhmietli:

- kesellik intellekt penen baylanıslı emes - aqılıy rawajlanıwı ádette saqlanıp qalgan;

- bul isik yamasa infekciya emes;

- kesellik jaraqat yemes, súyek ósiwiniń buzılıwı toparına kiredi.

Tiykarǵı belgileri

Kóriniwleri qaysı súyeklerge tásir etiwine hám ózgerislerdiń qanshelli anıq ekenligine baylanıslı, biraq kóbinese:

- deneniń asimmetriyası (bir qol yaki ayaq ekinshisinen qısqa);

- ayaq-qol súyekleriniń qıysayıwı yamasa qalınlasıwı;

- júriw waqtında aqsaw;

- qol yamasa ayaq barmaqlarınıń deformaciyası;

- ayırım buwınlarda háreketleniwdiń shekleniwi;

- patologiyalıq sınıwǵa beyimlilik (súyekler ádettegiden jeńil sınıp ketedi).

Ádette awırıw bolmaydı, dene, ishki aǵzalar zıyanlanbaydı, kóbinese deneniń bir tárepi zıyanlanadı.

Múmkin bolǵan sebepler

Bunıń anıq sebebi belgisiz. Kesellik súyek toqımasınıń qáliplesiw procesin buzıwshı genetik mutaciyalar menen baylanıslı.

Kóbinese óz-ózinen payda bolip, násilden-násilge ótpeydi.

Diagnoz neshe jasta qoyiladi

ózgerisler tuwılıwdan baslap bolıwı múmkin;

- kóbinese kesellik 2 jastan 10 jasqa shekem anıqlanadı;

- ol, ásirese, bala jedel júre baslaǵanda hám óse baslaǵanda kózge taslanadı.

Diagnoz ortoped tárepinen tekseriw hám rentgen tekseriwleri tiykarında anıqlanadı.

Balanı qollap-quwatlaw

Disxondroplaziya - sozılmalı jaǵday, biraq bala durıs baqlanǵanda aktiv hám tolıq ómir súriwi múmkin.

Usınıs etiledi:

- ortopedte turaqlı baqlaw;

- súyeklerdiń ósiwi hám jaǵdayın qadaǵalaw;

- emlew dene tárbiyası hám fizikalıq belsendilik;

- kórsetpelerge qarap ortopediyalıq qurallar;

- zárúr bolǵanda xirurgiyalıq korrekciya;

- bala hám shańaraqtı psixologiyalıq qollap-quwatlaw;

- oqıw hám turmıs sharayatların beyimlestiriw.

Este saqlaw kerek!

- disxondroplaziya rawajlanıw ózgesheligi bolıp, "húkim" yemes;

- balanıń aqılı hám qábileti ádette jas normasına sáykes keledi;

- erte baqlaw asqınıwlar qáwpin azaytadı;

- bala ushın qollap-quwatlaw, qabıl etiw hám tolıq sociallıq ortalıq áhmietli.

- durıs oqıw hám sociallıq ortalıq balaǵa "diagnoz" boyınsha emes, óz imkaniyatların júzege shıǵarıw imkaniyatın beredi.

Jasaw ornı boyınsha ortoped hám travmatolog shıpakerler tárepinen maman járdem kórsetiledi.

Reabilitaciya tómendegishe ámelge asırıladı:

- 2 jastan baslap qánigelestirilgen mákemelerde;

- 3 jastan - inklyuziv mektepke shekemgi toparlarda;

- 7 jastan - inklyuziv hám qánigelestirilgen mekteplerde.

Juwmaq alıw ushın psixologiyalıq-medicinalıq-pedagogikalıq komissiyadan ótip, "Inson" sociallıq xızmetler oraylarına múrájat etiw kerek.