Bul:

Bul sóylew tempi hám ritminiń buzılıwı, bunda bala:

- ses, buwın, sózlerdi tez-tez tákirarlaydı;

- dawısta "toqtap qaladı" ("a-a-apa," "pa...pa...pa...ravoz");

- keskin pauzalar isleydi, “súrnigedi", sóz kelmeydi.

Tiykarǵı belgileri:

Sóylew kartinası:

- sesler/sózlerdi tez-tez tákirarlaw, seslerdi sozıw;

- sózdiń ortasında tosattan toqtaw ("t...op", "mek...tep");

- kúsheyiw: bala qızaradı, erinlerin qısadı, mańlayın jıyıradı, dawıstı shıǵaradı;

- orta formasında tutılıw baqshada, mektepte, biytanıs  adamlar menen erkin sóylesiwge tosqınlıq etedi;

- awır formasında bala ulıwma sóylewden qashıwı, bir buwınlı juwap beriwi, sóz ornına qolın bılǵawı múmkin.

Qosımsha kórinisler:

- sóylewden qorqıw, ásirese doska aldında juwap beriwden, tanısıw, telefon arqalı sóylesiwden;

- "hiyleler": sıbırlanıw, ádettegi sóylew ornına qosıq aytıw , "qıyın" sózlerdi almastırıw;

- geyde qosımsha háreketler - kóz qısıw, iyin qısıw, shorshınıw.

Múmkin bolgan sebepler:

Tutlıǵıw derlik hesh waqıtta "bir qorqınıshtan" payda bolmaydı. Kóbinese birgelikte tásir etedi:

- násillik (tuwısqanlarda da tutılıw bolǵan);

- kishi jastan oraylıq nerv sisteması buzılıwı (awır tuwıw);

- stress hám psixotravmalar (qorqıw, kelispewshilik, sharayatlardıń keskin ózgeriwi);

- sóylew júklemeleri (úlkenlerdiń tez sóylewi, erte oqıw, bir waqıttıń ózinde eki tildi úyreniw).

Stress - bul birden-bir sebep emes, al iske túsiriwshi ilmek.

Qaysı jaslarda kóbirek diagnoz qoyıladı:

Kóbinese 2-6 jaslarda, sóylew aktiv rawajlanıp, bala kóp sóyley baslaǵanda, tutılıw anıqlanadı.

Eger "gúmiljilik" 1 aydan kóp waqıt dawam etip atırǵan bolsa, bul "ózi ótip ketiwin" kútpey, qánigelerge múrájat etiw ushın sebep boladı.

Balanı qollap-quwatlaw.  Balaǵa qalay járdem beriw kerek?

Balalar nevropatologi, psixonevropatolog, logoped-defektolog, zárúr jaǵdaylarda psixologqa múrájat etiw.

Logoped áste, tegis sóylewdi, durıs  dem alıwdı úyretedi.

Ata-analarǵa tiyisli: áste-aqırın sóyleń, sózdi bólmeń.

Kún tártibine ámel etiń: jaqsı uyqı, piyada júriw, az gadjetler hám stress.

Este saqlaw kerek!

Tutlıqpalıq - sóylew apparatı (tamaq, til, erin) bulshıq etleriniń tartılıwı sebepli kelip shıqqan sóylew ritmi, tempi hám bir tegisliginiń buzılıwı.

Tutlıǵıwdıń orta hám awır túrleri kemnen-kem "óz-ózinen" ótedi. Bala menen korrekciyalıq-pedagogikalıq jumıslardı múmkin bolǵansha erterek baslaw kerek.

Jasaw ornındaǵı emlew-profilaktikalıq mákemelerde psixonevrologlar, logopedler tárepinen  konsultaciya beriledi.

Pedagogikalıq jumıs 3 jastan baslap kóp tarmaqlı qánigelestirilgen, sonday-aq, inklyuziv toparlardaǵı mektepke shekemgi bilimlendiriw shólkemlerinde alıp barıladı.

Joqarıdaǵı mákemelerge rásmiylestiriw ushın, juwmaq alıw ushın "Insan" sociallıq xızmetler orayına múrájat etken halda psixologiyalıq-medicinalıq-pedagogikalıq komissiyasınan ótiwi kerek.