Bul

Balalarda buwın kontrakturası-bulshıq yetler, sińirler, baylamlar qısqarǵanlıǵı yamasa buwın kapsulasınıń ózi ózgergenligi sebepli buwınnıń normal búgiliwi yamasa jazılıwı toqtawı. Nátiyjede bala qol, ayaq hám barmaqların tolıq háreketlendiriwge qıynaladı.

Tiykarǵı belgileri

- buwın tolıq jazılmaydı/búgilmeydi (qol barqulla biraz búgilgen, dize barqulla yarım búgilgen hám t.b);

- bala buwındı sozıwǵa háreket yetkende awırıw yamasa "tartılıw sezimi"nen shikoyat yetedi;

- júriwde qolaysızlıq, otırıw, qol kóteriw, oyinshiqtı alıw, sádeplerdi qadıw qıyınlasadı;

- kórinip turǵan deformaciya: búgilgen qol alaqanı, ayaq tabanınıń ádettegi emes halatı.

Múmkin bolǵan sebepler

Kontraktura óz aldına kesellik emes, al qandayda bir buzılıw nátiyjesi:

Jaraqatlardan soń: sınıwlar, shigiwlar, baylamlar úziliwi, uzaq waqit gipste júriw;

Kúyiw hám tereń jaraqatlardan soń: tırtıqlar teri hám onıń astındaǵı toqımalardıń " sozılıwı."

Buwın yamasa bulshıq yetlerdiń isiniwinen keyin (artrit, miozit, irińli procesler);

Nerv sisteması keselliklerinde: bmf, miy hám arqa miy jaraqatları, nerv-bulshıq yet kesellikleri - bulshıq yetler hár qashan júdá tarang yaki júdá hálsiz boladı;

Buwınnıń uzaq múddetli hárekecizligi (uzaq múddetli jatıw tártibi, keyin rawajlanbaǵan gipsli baylam);

Bulshıq yetler, buwınlar, sińirlerdiń tuwma anomaliyaları.

Diagnoz kóbinese neshe jasta qoyıladı

Tuwma kontrakturalar tuwılıwdan baslap seziledi (mısalı, artrogripoz, ayaq tabanları hám barmaqlardıń awır deformaciyalarında).

Arttırılǵan kontrakturalar kóbinese tómendegi jaǵdaylarda anıqlanadı:

- jaraqat yamasa gipsten keyin - alıp sheshilgennen keyin 1-3 ay dawamında;

- mektepke shekemgi hám mektep jasında.

Balanı qollap-quwatlaw

Háreket sheklengenin sezseńiz dárhal balalar ortoped yamasa travmatologqa xabarlasıń.

Shıpaker rejesi boyınsha kompleks yemlewdi orınlaw zárúr:

- emlewshi fizikalıq shınıǵıwlar: buwınlardı sozıw hám háreketke keltiriwge qaratılǵan arnawlı shınıǵıwlar;

- massaj hám fizioterapiya;

- shinalar, ortozlar, basqıshpa-basqısh gips baylamları;

- eger awırıw bolsa - awırıwdı kemeytiw hám isiniwdi emlew.

Jaraqat, gips yamasa xirurgiyalıq operaciyadan keyin reabilitaciya májbúriy esaplanadı.

Este saqlaw kerek!

Emlew qansha erte baslansa, háreketti tolıq tiklew hám xirurgiyalıq operaciyasız emlew imkaniyatı sonsha joqarı boladı.

Qozǵalǵan kontrakturalar súyektiń normal ósiwine tosqınlıq etedi, deformaciyaǵa, júriwdiń ózgeriwine, awırıwǵa hátte mayıplıqqa alıp keledi.

Maman másláhát jasaw ornındaǵı emlew-profilaktika mákemelerinde ortoped-travmatologlar tárepinen kórsetiledi.

Reabilitaciyalıq járdem qánigelestirilgen mákemelerde (mektepke shekemgi bilimlendiriw shólkemleri) 2 jastan, sonday-aq, mektepke shekemgi bilimlendiriw shólkemleriniń inklyuziv toparlarında 3 jastan hám ulıwma bilim beriw mákemeleriniń inklyuziv klasslarında, qánigelestirilgen ulıwma bilim beriw mákemelerinde 7 jastan baslap ámelge asırıladı.

Joqarıdaǵı mákemelerge rásmiylestiriw ushın juwmaq alıw ushın "Insan" sociallıq xızmetler oraylarına múrájat etken halda psixologiyalıq-medicinalıq-pedagogikalıq komissiyadan ótiw zárúr.