Bul

Balalar artrogripozı - tuwma kesellik bolıp, onda baladaǵı birneshe buwınlar tuwılǵannan baslap jaqsı búgilmeydi yamasa pútkilley qozǵalmaydı. Kóbinese qol hám ayaqlar zıyanlanadı, buwınlar átirapındaǵı bulshıq etler juqa hám kúshsiz boladı. Bunda intellekt kóbinese normal boladı - eń dáslep háreket zıyan kóredi.

Tiykarǵı belgileri

Ata-analar ádette balanıń:

- ayaqları yamasa qolları ádettegidey bolmagan qatań jaǵdayda turadı;

- buwınlar jaqsı búgilmeydi hám jaqsı jazılmaydı, háreket kólemi az;

- ayaq-qollar juqa, "qurǵaq" kórinedi - bulshıq etler az;

- teńleslerine qaraǵanda keshirek basın uslaw, awdarılıw, otırıw, júriwge urınıw payda boladı;

- kóbinese maymaqlıq, ayaq hám qollar deformaciyası, geyde omırtqanıń qıysayıwı boladı.

Múmkin bolǵan sebepler

- alanıń nerv sisteması yamasa bulshıq etlerindegi buzılıwlar;

- kem suwlılıq, jatırdıń ózgeshelikleri, kóp tuqımlı hámiledarlıq);

- awır infekciyalar, toksinler, hámiledarlıq waqtında ayırım dárilerdi qabıllaw.

Kópshilik jaǵdaylarda anıq sebebin tabıw múmkin emes. Ayırım waqıtları násillik xarakterde boladı, ásirese distal formalarında (tek qol hám taban).

Diagnoz kóbinese neshe jasta qoyıladı

Artrogripozdıń belgileri tuwılıw waqtında-aq kórinedi - jańa tuwılǵan bala kontrakturalar (buwınları qıyın) menen dúnyaǵa keledi.

Diagnoz ádette ortopedtiń kórip tekseriwinen keyin ómiriniń birinshi aylarında anıq tastıyıqlanadı.

Balanı qollap-quwatlaw

Artrogripoz yerte hám turaqlı járdemdi talap yetedi. Reabilitaciya, emlew dene tárbiyası, ortopediyalıq járdem hám qánigeler (ortoped, nevrolog, reabilitolog) menen ótkeriletuǵın shınıǵıwlar balanıń hárekecheńligin jaqsılaw hám erkinligin arttırıwǵa járdem beredi.

Dáslepki háptelerden baslap yemlew dene tárbiyası, jumsaq sozılıwlar, massaj hám ortopediyalıq jatqızıwlar qollanıladi. Zárúr jaǵdaylarda gipsli baylamlar, ortezler hám xirurgiyalıq jol menen emlew qollanıladı.

Ata-analar neler isley aladı:

- qánige tárepinen usinis etilgen shınıǵıwlardı hár kúni orınlaw;

- balanıń háreketi hám belsendiligi ushın qáwipsiz sharayatlar jaratıw.

Este saqlaw kerek!

Bul bala tuwılǵandaǵı jaǵday bolıp, ol ádette rawajlanbaydı, biraq korrekciyasız deformaciyalar háreketke hám ózine-ózi xızmet kórsetiwge qattı kesent beriwi múmkin.

Emlew hám reabilitaciya qansha erterek baslansa, balanıń basqa balalar menen birge otırıw, turıw, jazıw, jew, kiyiniw hám oqıw imkaniyatları sonsha kóp boladı.

Jasaw ornı boyınsha emlew-profilaktika mákemelerinde ortoped-travmatologlar tárepinen zárúr  másláhát beriledi.

Reabilitaciya tómendegi basqıshlarda ámelge asırıladı:

- 2 jastan - qánigelestirilgen mákemelerde (mektepke shekemgi bilimlendiriw shólkemleri);

- 3 jastan - mektepke shekemgi bilimlendiriw shólkemleriniń inklyuziv toparlarında;

- 7 jastan - ulıwma bilim beriw hám qánigelestirilgen mekteplerdiń inklyuziv klasslarında.

Joqarıdaǵı mákemelerge jaylastırıw ushın psixologiyalıq-medicinalıq-pedagogikalıq komissiyadan ótiw zárúr. Bunıń ushın "Insan" sociallıq xızmet oraylarına múrájat etiledi.