Bul

3-4-dárejeli kifoz - M40- kókirek bólimindegi omırtqanıń kúshli qıysayıwı bolıp, bunda arqa aymaq yamasa búkir sıyaqlı kórinedi.

3-4 dárejeli kifozda tek qáddi-qáwmet, júriwden ǵana emes, al júrek, ókpe, nerv sistemasınıń xızmeti de zıyanlanadı.

Tiykarǵı belgileri

- ádewir búgilgen, "ókpe," bas hám iyinler aldıǵa tartılǵan;

- balanıń uzaq turıwı hám júriwi qıyınlasadı, tez sharshap qaladı, bel awırıwınan arız etedi;

- demniń qısılıwı, hawanıń jetispewshiligi, júkleme waqtında júrektiń soǵıwı;

- ayaqlarda hálsizlik, uyıw, háreketlerdiń qolaysızlıǵı payda bolıwı múmkin.

Múmkin bolǵan sebepler

- omırtqalardıń tuwma anomaliyaları;

- sheyerman-mau keselligi (jaslar kifozi);

- omırtqa jaraqatları, awır infekciyalar, osteoporoz aqıbetleri;

- nerv hám bulshıq et kesellikleri, arqanıń kúshsiz "bulshıq  et korseti";

- kifozdıń uzaq dawam etken emlenbegen jeńil, orta forması.

Diagnoz kóbinese neshe jasta qoyıladı

3-4 dárejeli awır kifoz kóbinese óspirimlik dáwirinde - shama menen 10-16 jaslarda anıqlanadı,bala tez ósip, burınıraq baslanǵan qıysıqlıq keskin kúsheygen waqıtta.

Dáslepki "qońırawlar" (eńkeyiw, sharshaw, arqaǵa shaǵınıw) baslawısh klaslarda-aq sezilip qalıwı múmkin.

Balanı qollap-quwatlaw

- ortoped/vertebrologqa xabarlasıw májbúriy

- EMK kompleksin orınlaw, arqa bulshiq etlerin bekkemlew, kórsetpelerge qaray - korset taǵıw;

- awır túrlerinde hám aǵzalar xızmeti buzılǵanda operaciya zárúr bolıwı múmkin;

- balaǵa abaylılıq penen qaraw: qollap-quwatlaw, mektepke beyimlesiwge járdem beriw, azǵana fizikalıq kúsh beriw (shıpaker menen kelisilgen halda).

Este saqlaw kerek!

3-4 dárejeli kifoz - awır, biraq úmitsiz jaǵday emes: durıs emlengende qáddi-qáwmet hám ózin-ózi sezilarli jaqsılaw múmkin.

Ózin-ózi emlew, internetten alınǵan "tuwrılawshı" shınıǵıwlar hám "beldi tuwrı qoyıw"ǵa turpayı umtılıwlar zıyan keltiriwi múmkin.

Shańaraq qansha erte qánigelerge múrájat etip, sistemalı emlewdi baslasa, balanıń densawlıǵı, háreketsheńligi hám ózine isenimin saqlap qalıw imkaniyatı sonsha joqarı boladı.

Jasaw ornı boyınsha emlew-profilaktika mákemelerinde ortoped-travmatologlar tárepinen zárúr  másláhát beriledi.

Reabilitaciya tómendegi basqıshlarda ámelge asırıladı:

- 2 jastan - qánigelestirilgen mákemelerde (mektepke shekemgi bilimlendiriw shólkemleri);

- 3 jastan - mektepke shekemgi bilimlendiriw shólkemleriniń inklyuziv toparlarında;

- 7 jastan - ulıwma bilim beriw hám qánigelestirilgen mekteplerdiń inklyuziv klasslarında.

Joqarıdaǵı mákemelerge jaylastırıw ushın psixologiyalıq-medicinalıq-pedagogikalıq komissiyadan ótiw zárúr. Bunıń ushın "Insan" sociallıq xızmet oraylarına múrájat etiledi.