Bu nima

Bolalarda 3-4 darajali kifoz (M40)  - bu ko‘krak qafasida umurtqa pog‘onasining kuchli qiyshayishi bo‘lib, bunda orqa yoy yoki bukri ko‘rinishida bo‘ladi.

3-4 darajali kifozda nafaqat qomat va yurish, balki yurak, o‘pka va asab tizimi faoliyati ham zarar ko‘radi.

Asosiy belgilari

- yaqqol bukchayish, "o‘rkach," bosh va yelkalar oldinga egilgan;

- bola uzoq vaqt tik turishi va yurishi qiyin, tez charchaydi, bel og‘rig‘idan shikoyat qiladi;

- nafas qisishi, havo yetishmasligi hissi, jismoniy faollik paytida yurak urishi;

- oyoqlarda holsizlik, uvishish, harakatlanishdagi noqulaylik hissi paydo bo‘lishi mumkin.

Ehtimoliy sabablari

- umurtqalarning tug‘ma anomaliyalari;

- sheyerman-mau kasalligi (o‘smirlar kifozi);

- umurtqa pog‘onasi jarohatlari, og‘ir infeksiyalar, osteoporoz oqibatlari;

- nevrologik va mushak kasalliklari, orqa mushaklarning zaifligi "mushak korseti";

- uzoq vaqt davomida davolanmagan kifozning yengil/o‘rtacha shakli.

Odatda qaysi yoshda tashxis qo‘yiladi

Ko‘pincha 3-4 darajali og‘ir kifoz o‘smirlik davrida - taxminan 10 yoshdan 16 yoshgacha, bola tez o‘sganda va oldin boshlangan qiyshayish keskin kuchayganda.

Dastlabki "signallar" (bukchayish, charchash, bel o‘grig‘i shikoyatlari) boshlang‘ich sinflardayoq sezilishi mumkin.

Bolani qo‘llab-quvvatlash

- majburiy ravishda ortoped/vertebrologga murojaat qiling;

- djt kompleksini bajarish, bel mushaklarini mustahkamlash, zarurat bo‘lsa- korset taqish;

- og‘ir shakllarida va a’zolar faoliyati buzilganda jarrohlik aralashuvi talab qilinadi;

- bolaga ehtiyotkorona munosabatda bo‘lish: qo‘llab-quvvatlash, maktabga moslashishiga yordam berish, kichik jismoniy mashqlarni shifokor tavsiyasiga ko‘ra bajarish.

Eslab qolish muhim!

3-4 darajali kifoz - jiddiy, ammo umidsiz holat emas: to‘g‘ri davolash bilan orqa mushaklar holati va umumiy holat yaxshilanishi mumkin.

O‘z-o‘zini davolash, internetdagi "belni to‘g‘rilash" mashqlari va qo‘pol "belni to‘g‘ri qo‘yish" harakatlari zarar yetkazishi mumkin.

Ota-ona mutaxassislarga qanchalik erta murojaat qilsa va tizimli davolanishni boshlasa, bolaning sog‘lig‘i, harakatchanligi va o‘ziga bo‘lgan ishonchini saqlab qolish imkoniyati shunchalik yuqori bo‘ladi.

Malakali maslahat yashash joyidagi davolash-profilaktika muassasalarida ortoped-travmatologlar tomonidan ko‘rsatiladi.

Reabilitatsiya quyidagi bosqichlarda amalga oshiriladi:

- 2 yoshdan — ixtisoslashtirilgan muassasalarda (maktabgacha ta’lim tashkilotlari);

- 3 yoshdan — maktabgacha ta’lim tashkilotlarining inklyuziv guruhlarida;

- 7 yoshdan — umumta’lim va ixtisoslashtirilgan maktablarning inklyuziv sinflarida.

Yuqoridagi muassasalarga joylashtirish uchun psixologik-tibbiy-pedagogik komissiyadan o‘tish zarur. Buning uchun “Inson” ijtimoiy xizmat markazlariga murojaat qilinadi.