Bul

Balalar shizofreniyası - bul kem ushırasatuǵın, biraq awır ruwxıy kesellik bolıp, ol balanı'ń pikirlewi, sezimleri, minez-qulqı hám qorshap turǵan dúnyanı ańlawdı buzadı.

Kesellik ádette yerte jasta baslanadı hám áste-aqırın rawajlanadı. Ol bala rawajlanıp atırǵan dáwirde payda bolǵanı ushın oqıw hám sociallıq beyimlesiwge sezilerli tásir etedi.

Tiykarǵı belgileri

Kesellik belgileri tómendegilerdi óz ishine aladı:

- esitiw gallyucinaciyaları (dawıslar yesitiw);

- kóriw gallyucinaciyalari (obrazlar, formalar);

- vasvasa ideyaları (qorqıw, qısıw sezimi);

- pikirlewdiń buzılıwı (logikasız gápler, pikirlerdiń tártipsizligi);

- minez-qulıqlardıń ózgeriwi, keypiyattıń keskin ózgeriwi;

- qorqıwlar, uyqı hám ishteydiń buzılıwı;

- stereotipli háreketler hám emocional suwiqliq.

Kishi jastaǵı balalarda bul belgiler kóbinese oyın hám fantaziya kórinisinde kórinedi.

Múmkin bolǵan sebepler

Anıq sebepler tolıq úyrenilmegen, biraq tómendegiler áhmietli rol oynaydı:

- miy rawajlanıwındaǵı buzılıwlar;

- genetikalıq beyimlilik;

- nevrologiyalıq hám psixikalıq faktorlar;

- stress hám sırtqı faktorlar (tek kúsheytiwshi faktor sipatında).

Qaysı  jaslarda kóbirek diagnoz qoyıladı

Balalar shizofreniyası diagnozı kóbinese 7-12 jas aralıǵında qoyıladi. Áyne usı dáwirde belgiler jáne de anıq hám turaqlı bolıp kórinedi.

Júdá kishi balalarda (6 jasqa shekem) bul jaǵday az ushırasadı, biraq yerte formaları awırraq ótedi hám tezden tereń tekseriwdi talap yetedi.

Balanı qollap-quwatlaw

Shizofreniya menen jasap atırǵan balaǵa járdem beriw shańaraqtaǵı tınısh ortalıq, shıpaker menen turaqlı birge islesiw hám turaqlı qollap-quwatlawǵa tiykarlanadı.

Tiykarǵı tárepleri:

- shańaraqta sabır-taqat hám qollap-quwatlawshı ortalıq jaratıw;

- psixiatr baqlawı hám yemlewge qatań ámel yetiw;

- psixoterapiya hám qánigeler menen islew;

- kúndelikli tártipti saqlaw hám sociallıq kónlikpelerdi rawajlandırıw.

Eger bala ózine yamasa basqalarǵa zıyan jetkeriwi múmkin bolsa, dárhal shıpakerge xabarlasıw

Este saqlaw kerek!

Ata-analar tiykarǵı rol oynaydı.

Shizofreniya awır, biraq qadaǵalaw múmkin bolǵan kesellik.

Balaǵa óz waqtında professional járdem kerek.

Óz betinshe "jeńip ótiw"diń ilajı joq - qánigelerge múrájat etiw balanıń densawlıǵı hám ómirin saqlap qaladı.

Hár bir bala individual rawajlanadı, sonıń ushın onı basqalar menen salıstırmay, óz rawajlanıwın baqlaw áhmietli.

Maman keńes beriwdi jasaw ornındaǵı emlew-profilaktika mákemelerinde balalar psixonevrologları kórsetedi.

Balalar psixonevrologları hám nevrologları tájiriybeli járdem kórsetedi. Bilimlendiriw járdemin alıw ushın "Insan" orayları arqalı psixologiyalıq-medicinalıq-pedagogikalıq komissiyadan ótiw kerek.