Bul:

Balalar afaziyası - miydegi sóylew oraylarınıń zıyanlanıwı sebepli qáliplesken sóylew kónlikpeleriniń joǵalıwı yamasa buzılıwı.

Bala esitedi, audiogrammada esitiw normal, biraq miyi sóylewdi túsiniwdi hám qayta islewdi toqtatıp, EEGda (ásirese uyqıda) tipik epileptiform razryadlar payda boladı.

Tiykarǵı belgileri:

Ádette ata-analar regressti kóredi:

- balanıń sóylewi tómenleydi: aldın qollanılǵan sózler hám sóz dizbekleri joǵaladı, "úzilisler," seslerdiń kúlkili toplamı payda boladı;

- bala úyrenshikli sózli kórsetpelerdi orınlamaydı,

- minez-qulıq tez-tez ózgerip turadı: ashıwshaqlıq, giperaktivlik, qorqınıshlar, jabıqlıq payda boladı;

- 70-80% balalarda epilepsiya tutıwları (kóbinese túnde) payda boladı: qısqa múddetli "qatıp qalıw"dan tutqanaq tutıwına shekem.

Tekseriwde esitiw normal jaǵdayda boladı.

Múmkin bolgan sebepler:

- genetikalıq beyimlilik;

- kemirek - isikler, bas miy qabıǵınıń rawajlanıw kemislikleri, infekciyalar yaki jaraqatlar aqıbetleri, kelip shıǵıwı belgisiz epileptikalıq encefalopatiya.

Qaysı jaslarda kóbirek diagnoz qoyıladı?

3-7 jasta, sóylew qáliplesken waqitta logoped, psixonevrolog sóylewdi tekserip kórgende, sóylewdiń artqa ketkenin sezedi.

F80.3 diagnozın balalar nevropatologı, epileptologı, logopedi, psixonevrologı qoyadı.

Tekseriw:

- EEG;

- MRT (óspeler hám turpayı anomaliyalardı joq etiw ushın);

- logopediyalıq tekseriwden ótkeriw (qáliplesken sóylewdiń joǵalıwın tastıyıqlaydı).

Balanı qollap-quwatlaw.  Balaǵa qalay járdem beriw kerek?

Nevropatolog epilepsiyaǵa qarsı dárilerdi tańlaydı.

Logoped hám neyropsixolog balaǵa jáne sóylewdi túsiniw hám qollanıwdı úyretedi, ım-isharalar, súwretler, alternativ kommunikaciyalardı jalǵaydı, oqıw júklemesin ózgerttiredi.

Este saqlaw kerek!

Bala esitiwi múmkin, biraq sózlerdi túsinbewi múmkin, onıń miyi sózlerdi qayta islewde qıynaladı.

Balanıń hárqanday sóylew regresi onı kútip emes, tezlik penen psixonevrolog, nevropatolog hám logopedke kórsetiw ushın sebep boladı.

Erte korrekciyalıq-pedagogikalıq járdem kórsetiw hám reabilitaciyalaw menen kóplegen balalar jáne qatarları arasında sóylesiwdi, oqıwdı hám jasawdı úyrenedi - olardıń jolı ápiwayı emes hám pútkil qánigeler jámááti hám ata-analardıń qollap-quwatlawın talap etedi.

Jasaw ornındaǵı emlew-profilaktikalıq mákemelerde psixonevrologlar, logopedler tárepinen  konsultaciya beriledi.