Bu nima

Chanoq-son bo‘g‘imi displaziyasi — bu bolada chanoq-son bo‘g‘imining noto‘g‘ri shakllanishidir.

Bunda:

- chanoq chuqurchasi (bo‘g‘im "kosachasi") yetarlicha chuqur bo‘lmasligi yoki noto‘g‘ri joylashishi mumkin;

- son suyagi boshchasi (sharchasi) barqaror joylashmagan - faqat "chekkada" – chiqishdan oldin, qisman siljigan (kichik chiqish) yoki chuqurchadan butunlay chiqib ketgan (chiqish) bo‘lishi mumkin.

Asosiy belgilari

1 yoshgacha bo‘lgan bolalarda:

- oyoqlar yon tomonga yaxshi ochilmaydi (“baqa holati” hosil bo‘lmaydi);

- ba’zan harakat paytida shifokor “chertish”ni sezadi yoki eshitadi;

- - bir oyog‘ining qisqarishi, bola yura boshlaganida yurishining o‘zgarishi mumkin.

Teri qatlamlarining assimetriyasi — bu faqat shifokorga murojaat qilish uchun sababdir.

Katta yoshdagi bolalar va kattalarda:

- oqsoqlanish, “o‘rdaksimon” yurish;

- chanoq holatining buzilishi;

- chot, son og‘rig‘i, oyoqning tez charchashi;

- keyinchalik - erta koksartroz (bo‘g‘im me’yoridan ancha erta yemiriladi).

Ehtimoliy sabablar

Ko‘pincha bu bir nechta omillar kombinatsiyasi:

- irsiy moyillik;

- oyoqlarni to‘g‘rilab, mahkam yo‘rgaklash;

- tayanch-harakat tizimi rivojlanishining tug‘ma xususiyatlari;

- ayrim sindromlar va patologiyalar.

Hayotning birinchi yili: - 1, 3, 6, 12 oylikda ortoped/jarroh ko‘rigi; - Chanoq-son bo‘g‘imlarining ultratovush tekshiruvi odatda 4-6 oygacha o‘tkaziladi; - 6-7 oydan keyin buzilishni baholash uchun rentgen kerak bo‘ladi.

Odatda qaysi yoshda tashxis qo‘yiladi

Hayotning birinchi yilida

- ortoped/jarroh ko‘rigidan o‘tish: 1, 3, 6, 12 oyda;

- сhanoq-son bo‘g‘imlarining ultratovush tekshiruvi odatda 4-6 oygacha o‘tkaziladi;

- 6–7 oydan keyin baholash uchun rentgen talab qilinadi.

Bolani qo‘llab-quvvatlash

Shifokor tomonidan quyidagilar amalga oshiriladi:

- kuzatish, keng yo‘rgaklash, gimnastika;

- ortopedik moslamalar (shina, stirrup);

- davolash gimnastikasi, massaj, fizioterapiya;

- og‘ir holatlarda — joyiga tushirish yoki jarrohlik davolash.

Ota-onalar nima qilishi mumkin (va qilishi kerak):

- shifokor tavsiyalariga qat’iy amal qilish;

- ortopedik moslamalarni o‘zboshimchalik bilan yechmaslik;

- bolani ruxsatsiz erta oyoqqa qo‘ymaslik;

- nazorat tekshiruvlarini o‘tkazib yubormaslik.

Eslab qolish muhim!

Davolanmagan displaziya quyidagilarga olib kelishi mumkin:

- erta artroz,

- surunkali og‘riqlar,

- balog‘at yoshidagi oqsoqlik va keyinchalik  operatsiya zarurati.

Malakali maslahat yashash joyidagi davolash-profilaktika muassasalarida ortoped-travmatologlar shifokorlar tomonidan ko‘rsatiladi.

Reabilitatsiya quyidagi bosqichlarda amalga oshiriladi:

- 2 yoshdan — ixtisoslashtirilgan muassasalarda (maktabgacha ta’lim tashkilotlari);

- 3 yoshdan — maktabgacha ta’lim tashkilotlarining inklyuziv guruhlarida;

- 7 yoshdan — umumta’lim va ixtisoslashtirilgan maktablarning inklyuziv sinflarida.

Yuqoridagi muassasalarga joylashtirish uchun psixologik-tibbiy-pedagogik komissiyadan o‘tish zarur. Buning uchun “Inson” ijtimoiy xizmat markazlariga murojaat qilinadi.