Bul

Rawajlanıwdaǵı birlesken buzılıwlar - bul sonday jaǵday, bunda epilepsiya ruwxıy hám aqiliy rawajlanıwdıń buzılıwı fonında rawajlanadı.

Tutqıwlar miy xızmetiniń tuwma yamasa arttırılǵan buzılıwları (mısalı, strukturalıq anomaliyalar yamasa neyrodegenerativ procesler) sebepli kelip shıǵadı.

Kóbinese bul psixomotor hám kognitiv rawajlaniwdiń keshigiwi, diqqat, yad hám sóylewdiń buzılıwı menen ótedi.

Balalarda kóbinese tuwma rawajlanıw nuqsanları yamasa miy jaraqatları, sonıń ishinde Vest sindromi sıyaqlı awır formalar sebep boladı.

Tiykarǵı belgileri

- túrli tezlik hám awırlıqtaǵı epileptik pristuplar;

- psixomotor hám sóylew rawajlanıwınıń keshigiwi;

- diqqat, eslew hám oqiw menen baylanıslı qıyınshılıqlar;

- minez-qulıq hám kommunikaciyadaǵı qıyınshılıqlar;

- joldas buzılıwlar (DEHB, autizm spektri buzılıwları);

- awır túrlerinde - rawajlanıwda sezilerli artta qalıw.

Múmkin bolǵan sebepler

Kóbinese sebepler miydiń strukturalıq buzılıwları menen baylanıslı boladı, atap aytqanda tuwma nuqsanlar, perinatal jaraqatlar, insult yamasa óspeler aqıbetleri.

Kóbinese bul jaǵday nerv rawajlanıw buzılıwları menen baylanıslı bolıp, olar epilepsiyanı keltirip shıǵarıwı múmkin yamasa onıń menen bir waqıtta rawajlanıwı múmkin. Genetikalıq hám neyrodegeneraciyalıq kesellikler de áhmiyetli rol oynaydi.

Vest sindromı sıyaqlı awır epilepsiya túrleri derlik hámme waqıtta rawajlanıw buzılıwları menen birge ótedi.

Qaysı  jaslarda kóbirek diagnoz qoyıladı

Keselliktiń dáslepki belgileri nárestelik dáwirinde-aq payda bolıwı múmkin.

Kóbinese diagnoz erte balalıq dáwirinde, tutqanaq tutıwları hám rawajlanıw keshigiwi anıq bolǵanda qoyıladi.

Diagnozdi aniqlastırıw ushın elektroencefalografiya (EEG) hám MRT sıyaqlı neyrovizualizaciya usılları qollanıladi.

Balanı qollap-quwatlaw

Bala nevrolog hám psixonevrolog tárepinen turaqlı baqlawda bolıwı, sonday-aq, durıs antiepileptik yemlew tańlanıwı zárúr.

Korrekciyalıq jumıslar úlken áhmiyetke iye: logoped, defektolog hám basqa qánigeler menen shinigiwlar ótkeriledi.

3 jastan baslap bala arnawlı bilimlendiriw mákemelerinde pedagogikalıq járdem alıwı yamasa úyde bilim alıwı múmkin.

Sonday-aq, bala ushın tınısh hám qollap-quwatlawshı ortalıq jaratıw áhmietli.

Este saqlaw kerek!

Erte diagnozlaw hám óz waqtında emlew prognozda áhmietli rol oynaydı. Qanshelli erte járdem baslansa, buzılıwlardı azaytıw imkaniyatı sonsha joqarı boladı.

Hár bir bala individual rawajlanadı, sonıń ushın onı basqalar menen salıstırmay, óz rawajlanıwın baqlaw áhmietli.

Durıs qollap-quwatlaw menen bala kónlikpelerdi ózlestiriwi, oqıwı hám jámietke beyimlesiwi múmkin.

Maman járdem balalar psixonevrologları, nevrologlar hám logopedler tárepinen kórsetiledi.

Bilimlendiriw járdemin alıw ushın "Insan" sociallıq orayları arqalı psixologiyalıq-medicinalıq-pedagogikalıq komissiyadan ótiw zárúr.