Bul

Operaciyadan keyingi osteomielit – balanıń  operaciya islengen jerde (kóbinese súyekte yamasa onıń qasında) rawajlanatuǵın súyek hám súyek kemiginiń irińli isiniwi.

Tiykarǵı belgileri

Eger operaciyadan keyin birneshe kún yamasa hápteler ótkennen soń:

- balanıń temperaturası kóteriledi, hálsizlik, erinsheklik payda boladı;

- operaciya maydanı qızaradı, isedi, ıssı hám júdá awıradı;

- jara yamasa tigisten iriń aǵıp shıǵa baslaydı;

- bala ayaǵın baspaydı, qolınan paydalanbaydı, "tereń," isip ketetuǵın awırıwdan arız etedi;

- procestiń sozılıwı waqtı-waqtı menen iriń shıǵıp turatuǵın tesik - fistula payda bolıwı múmkin.

Múmkin bolǵan sebepler

Infekciya súyekke túsiwi múmkin:

- operaciya waqtında (barlıq sterillik ilajlarına qaramastan, ásirese awır jaraqatlar hám ashıq sınıwlarda boladı);

- operaciyadan soń - tez-tez baylawlar, pataslanıwlar waqtında jara arqalı;

Qáwip joqarı boladı,eger:

- súyek bólekleri menen awır jaraqatlanǵan;

- súyekke metall konstrukciyalar (plastinalar, vintler, shtiftler) ornatılǵan;

- bala hálsizlengen, kemqanlıq, diabet, immun mashqalaları bar.

Diagnoz kóbinese neshe jasta qoyıladı

Operaciyadan keyingi osteomielit hárqanday balalıq dáwirinde anıqlanıwı múmkin, biraq kóbirek:

- sınıwlar, sport jaraqatları hám t.b. sebepli operaciya islenetuǵın mektep jasındaǵı balalar hám jas óspirimlerde;

- dáslepki belgileri ádette operaciyadan keyingi birinshi hápte yaki birinshi ayında payda boladı.

Balanı qollap-quwatlaw 

- awırıw, isik, qızarıw, temperatura bolǵanda dárhal xirurg yamasa travmatologqa xabarlasıw;

- jaranı kútiw boyınsha kórsetpelerge qatań ámel etiw: tańıw, tazalanıw;

- antibiotikler kursın óz qálewi menen biykar qılmaw yamasa qısqartpaw;

- balanıń tınıshlıq hám ayaq-qolların bosatıw rejimine ámel etiwine járdemlesiw (juwırmaw, waqtınan burın sekirmew);

- balanı ruwxıy jaqtan qollap-quwatlaw: bunıń qatań ekenligin hám emlenip atırǵanın túsindiriw;

- ótkir processten keyin - kúsh hám hárekecheńlikti tiklew ushın reabilitaciyanı dawam ettiriw (LFK, fizioterapiya, massaj).

Este saqlaw kerek!

Operaciyadan keyingi osteomielit - awır, biraq óz waqtında járdem sorap múrájat etseńiz emlenetuǵın asqınıw.

Emlew qansha erterek baslansa, deformaciyalar, process xronizaciyası, mayıplıq qáwpi sonsha az boladı.

Jıllı tutıw, "úydegi bir nárse" menen sıbaw yamasa "ózi jarılıp ótip ketedi" dep kútiwge bolmaydı - stacionar járdemi kerek.

Hárqanday sorawlardı emlewshi shıpakerden soraǵan maqul.

Jasaw ornı boyınsha emlew-profilaktika mákemelerinde ortoped-travmatologlar tárepinen zárúr  másláhát beriledi.

Reabilitaciya tómendegi basqıshlarda ámelge asırıladı:

- 2 jastan - qánigelestirilgen mákemelerde (mektepke shekemgi bilimlendiriw shólkemleri);

- 3 jastan - mektepke shekemgi bilimlendiriw shólkemleriniń inklyuziv toparlarında;

- 7 jastan - ulıwma bilim beriw hám qánigelestirilgen mekteplerdiń inklyuziv klasslarında.

Joqarıdaǵı mákemelerge jaylastırıw ushın psixologiyalıq-medicinalıq-pedagogikalıq komissiyadan ótiw zárúr. Bunıń ushın "Insan" sociallıq xızmet oraylarına múrájat etiledi.