Bul

Voronka sıyaqlı  hám   kil  tárizli  kókirek - tós súyegi hám qabırǵalardıń tuwma deformaciyaları.

Voronka tárizli  (Q67.6) da tós súyegi ishkerige batıp turadı ("voronka").

Kıl tárizli (Q67.7) kókirek aldıǵa shıǵarılǵan ("tawıq kókirek", qayıqtıń kili sıyaqlı).

Bul kókirek quwıslıǵı dúzilisiniń ózgesheligi.

Tiykarǵı belgileri

- kókirektiń kózge kórinetuǵin forması: oyıq (voronka) yamasa bórtik ("kil");

- sharshaw, júkleme waqtında dem alıw, geyde kókirekte "tarlıq" sezimi;

- balalardıń bir bóleginde júrek urıwınıń buzılıwı, júrek soǵıwınıń tezlesiwi;

Múmkin bolǵan sebepler

Kóbinese bul súyek hám shemirshek rawajlanıwınıń tuwma ózgesheligi bolıp esaplanadı:

- násillik, biriktiriwshi toqıma kesellikleri;

- qarın ishinde skelet hám shemirshekler qáliplesiwiniń buzılıwı;

- kemirek - jaraqatlar, kúyikler, operaciyalar, awır kesellikler aqıbetleri.

Diagnoz kóbinese neshe jasta qoyıladı

- dáslepki ózgerislerdi erte balalıqtan-aq seziw múmkin;

- kóbinese diagnoz mektepke shekemgi hám mektep jasında anıqlanadı.

- bala ósip, deformaciya kózge taslanǵanda;

- ásirese, balalar bul mashqala menen shıpakerge kóbinese óspirimlik jasında baradı.

Balanı qollap-quwatlaw

Júrek hám ókpeniń jumısın bahalaw ushın ortoped yamasa torakal xirurg, sonday-aq, kardiolog hám pulmonologqa múrájat etiń.

Jeńil formalarında: DJT, dem alıw gimnastikası, júziw, qáddi - qáwmetti dúzetiw járdem beredi.

Balanı psixologiyalıq jaqtan qollap-quwatlaw, oǵan óz denesinen uyalmawǵa járdem beriw, awırlıq túsirmew júdá áhmietli

Este saqlaw kerek

Balanı qansha erterek qánigege kórsetse, formasın tuwrılaw hám múmkin bolǵan buzılıwlardı qadaǵalaw imkaniyatları sonsha kóp boladı.

Emlewden maqset - balanıń normal dem alıwı, júrek xızmeti hám ózine isenimi.

Korset, operaciya hám júkleme haqqındaǵı hárqanday qarardı tek ǵana shıpaker tekseriwden keyin qabıl etedi.

Jasaw ornı boyınsha emlew-profilaktika mákemelerinde ortoped-travmatologlar tárepinen zárúr  másláhát beriledi.

Jasaw ornı boyınsha emlew-profilaktika mákemelerinde ortoped-travmatologlar tárepinen zárúr  másláhát beriledi.

Reabilitaciya tómendegi basqıshlarda ámelge asırıladı:

- 2 jastan - qánigelestirilgen mákemelerde (mektepke shekemgi bilimlendiriw shólkemleri);

- 3 jastan - mektepke shekemgi bilimlendiriw shólkemleriniń inklyuziv toparlarında;

- 7 jastan - ulıwma bilim beriw hám qánigelestirilgen mekteplerdiń inklyuziv klasslarında.

Joqarıdaǵı mákemelerge jaylastırıw ushın psixologiyalıq-medicinalıq-pedagogikalıq komissiyadan ótiw zárúr. Bunıń ushın "Insan" sociallıq xızmet oraylarına múrájat etiledi.