Bu nima:

3-4 darajali skolioz - bu umurtqa pog‘onasi egriligining og‘ir shakli bo‘lib, bunda bel sezilarli darajada deformatsiyalangan, umurtqa pog‘onasi esa yon tomonga kuchli og‘gan va ko‘pincha o‘z o‘qi atrofida buriladi. Bunday holat nafaqat tashqi ko‘rinishni o‘zgartiradi, balki ichki a’zolar faoliyatiga ham ta’sir qiladi. Egrilik ko‘krak, bel yoki dumg‘aza bo‘limida, ba’zan esa bir vaqtning o‘zida bir nechta bo‘lishi mumkin - bu holda kombinatsiyalangan skolioz deb aytiladi.

Asosiy belgilari:

• yelkalar, kuraklar va tosning yaqqol asimmetriyasi;
• gavdaning bukchayishi, qiyshayishi;
• qovurg‘a bukriligi, mushak valigi;
• cheklangan harakatchanlik, bel og‘rig‘i, tez charchash;
• nafas olish qiyinlashishi, ko‘krak qafasida bosim hissi, bosh og‘rig‘i.

Ehtimoliy sabablari:

• umurtqa pog‘onasining tug‘ma anomaliyalari;
• bolalik va o‘smirlik davrida tez o‘sish;
• nevrologik va mushak kasalliklari;
• jarohatlar va operatsiyalar oqibatlari;
• nasliy  moyillik.

Odatda qaysi yoshda tashxis qo‘yiladi?

Skolioz taxminan 5-10% bolalarda uchraydi. Ayniqsa, 5-12 yoshda bolaning belini diqqat bilan kuzatish kerak, chunki bu davrda umurtqa pog‘onasi tez o‘sib boradi va agar bola kam harakat qilsa va bukchayib o‘tirsa, egrilik asta-sekin rivojlanishi mumkin.

Yoshga qarab:

• 3 yoshgacha - chaqaloqlar skoliozi;
• 3-10 yosh - bolalarda (yuvenil);
• 10-18 yosh - o‘smirlik (eng ko‘p uchraydigan). Muammo ko‘pincha 8-14 yoshda aniqlanadi

Shakl bo‘yicha:

• C-simon – bitta yoy qiyshayishi;
• S-simon – ikkita yoy qiyshayishi;
• Z-simon - uchta yoy qiyshayishi(eng murakkab variant).

Bolani qo‘llab-quvvatlash:

Bola uchun qo‘llab-quvvatlash va to‘g‘ri davolash muhim.

• muntazam ravishda ortoped ko‘rigidan o‘ting;
• DJT mashqlarini bajaring (iloji boricha mutaxassis nazorati ostida);
• uyda va maktabda to‘g‘ri qomatni kuzatib boring;
• bolani og‘ir sumkalar va doskadan uzoq o‘tirish bilan ortiqcha yuklamang;
• bel mushaklarini mustahkamlang: suzish, yoga, maxsus gimnastika;
• Skoliozning 3-4 darajasida bolalarga ko‘pincha Sheno korseti, og‘ir kechishida esa jarrohlik yo‘li bilan davolash zarur.

Asosiysi - davolash muntazam bo‘lishi kerak.

Eslab qolish muhim!

Skolioz butun organizmning sog‘lig‘iga ta’sir qilishi mumkin bo‘lgan kasallik. Belgilar qanchalik erta sezilsa, rivojlanishni to‘xtatish shunchalik oson bo‘ladi. Hatto ifodalangan darajalarda ham, to‘g‘ri terapiya bilan ahvol yaxshilanishi mumkin. Ota-onaning qo‘llab-quvvatlashi va xotirjam muhit bolaning o‘zini dadilroq his qilishiga va davolanishni osonroq o‘tkazishiga yordam beradi.

 - Malakali maslahat ortoped-travmatologlar tomonidan yashash joyidagi davolash-profilaktika muassasalarida ko‘rsatiladi.

- Reabilitatsiya yordami ixtisoslashtirilgan muassasalarda (maktabgacha ta’lim tashkilotlari) 2 yoshdan, shuningdek, maktabgacha ta’lim tashkilotlarining inklyuziv guruhlarida 3 yoshdan va umumta’lim muassasalarining inklyuziv sinflarida, ixtisoslashtirilgan umumta’lim muassasalarida 7 yoshdan boshlab amalga oshiriladi.

- Yuqoridagi muassasalarga rasmiylashtirish uchun xulosa olish uchun "Inson" ijtimoiy xizmatlar markazlariga murojaat qilgan holda psixologik-tibbiy-pedagogik komissiyadan o‘tish lozim.